April 17, 2024

माथिल्लो सेती खोला जलविद्युत् आयोजनामा लक्ष्मी सनराइजको लगानी

बैंकले अपर सेती हाइड्रोसँग कास्कीको सेती नदीमा निमार्ण हुने २० मेगावाट क्षमताको सो आयोजनामा लगानी गर्ने सम्झौता गरेको छ ।

आयोजनाको कुल लागत ४ अर्ब २ करोड रुपैयाँ रहेको छ । यो सहकार्यले नेपालको नवीकरणीय ऊर्जामा महत्वपूर्ण भूमिका खेल्ने विश्वास लिएको बैंकले जनाएको छ ।

अपर सेती हाइड्रोले १७ माघ २०७८ मा विद्युत् विकास विभागबाट आयोजना निर्माणका लागि विद्युत् उत्पादनको अनुमति पत्र लिएको थियो ।

१० असोज २०८० मा नेपाल विद्युत् प्राधिकरणसँग विद्युत् खरिद बिक्री सम्झौता समेत गरिसकेको छ । कम्पनीको प्रवर्द्धकको रुपमा व्यापारिक घराना केसी ग्रुप रहेको छ ।

उक्त परियोजना निमार्णका लागि लक्ष्मी सनराइज बैंक एक्लैले परियोजना लागतको ७५ प्रतिशत लगानी गर्ने प्रतिवद्धता जनाएको हो । बाँकी २५ प्रतिशत रकम कम्पनीका प्रवर्द्धक/संस्थापकहरुको लगानी रहने छ ।

लक्ष्मी सनराइज बैंकको प्रोजेक्ट फाइनान्स (टर्म लोन) प्रतिबद्धता ३.०२ अर्ब रहेको छ ।

२० मेगावाट क्षमताको आयोजना निमार्ण भएपछि वार्षिक करिब ११३.५१ गिगावाट आवर इनर्जी विद्युत् राष्ट्रिय प्रसारणलाइनमा जडान हुनेछ । (स्रोतः अनलाइन खबर, १४ माघ २०८०)

 

# #

सम्पर्क

फाेन: +977-9800000000
ईमेल: example@gmail.com

ठेगाना

सम्पर्क

फाेन: +977-9800000000
ईमेल: example@gmail.com

ठेगाना

नयाँ बानेश्वर, काठमाडाैं, नेपाल
Kathmandu, Nepal

Copyright Reserved by UrjaClips ।। Developed by Nepbrand