२०८० भित्र नेपालको जडित क्षमता ३ हजार ४०० मेगावाट पुग्दै

काठमाडौँ । नेपालमा एक महिनाभित्र ४०० मेगावाट विद्युत् राष्ट्रिय प्रसारण प्रणालीमा जोडिने भएको छ ।

मुलुकको विभिन्न क्षेत्रमा निर्धाणाधीन तथा निर्माण सम्पन्न भई परीक्षणका चरणमा रहेका जलविद्युत् आयोजनाको बिजुली प्रणालीमा थपिने नेपाल विद्युत् प्राधिकणका कार्यकारी निर्देशक कुलमान घिसिङले बताएका छन् ।

उनका अनुसार १११ मेगावाटको रसुवागढी, ४२.४ मेगावाटको सान्जेन, १०२ मेगावाटको मध्यभोटेकोसीकाे बिजुली राष्ट्रिय प्रणालीमा थपिन लागेको हाे । यसैगरी, तमोरबाट ७२ मेगावाट, म्याग्दी र लिखुबाट ७२ मेगावाट विद्युत् प्रणालीमा थपिने घिसिङले जानकारी दिए ।

अहिले नेपालको कुल जडित क्षमता करिब ३ हजार मेगावाट रहेको छ । यी आयोजनाको बिजुली ग्रिडमा जोडिएपछि नेपालको कुल जडित क्षमता ३ हजार ४०० मेगावाट पुग्ने छ ।

स्रोत : ऊर्जा खबर