निजी क्षेत्रलाई प्रसारणलाइन निर्माणमा सहभागी गराउने RPGCL को निर्णय

साउन ५, काठमाडौं । राष्ट्रिय प्रसारण ग्रिड कम्पनी लिमिटेड (RPGCL) ले निजी क्षेत्रलाई प्रसारण लाइन निर्माणमा सहभागी गराउने निर्णय गरेको छ ।

कम्पनीको सञ्चालक समितिको बैठकले आफ्नो क्षेत्राधिकार भित्र रहेका महत्वका प्रसारण लाइन निर्माणका लागि निजी क्षेत्रलाई सहभागी गराउने निर्णय गरेको हो ।

सरकारले पछिल्लो समय बजेट वक्तव्यमा समेत निजी क्षेत्रलाई प्रसारण लाइन निर्माण र विद्युत व्यापारमा सहभागी गराउने उद्घोस गर्दै आएको थियो । सरकारको उक्त लक्ष्य पूरा गर्न आरपीजीसीएलले नीतिगत निर्णय गरेको हो ।